1 Մարտի, 2016

ՇԱՀԱՆ ԱՐՔ. ՍԱՐԳԻՍԵԱՆ ՀՌՈՄԻ ՄԷՋ ԿԸ ՄԱՍՆԱԿՑԻ ՄԻՋԻՆ ԱՐԵՒԵԼՔԻ ՔՐԻՍՏՈՆԷՈՒԹԵԱՆ ԱՌՆՉՈՒԱԾ ՀԱՄԱԳՈՒՄԱՐԻ

Յանուն Մեծի Տանն Կիլիկիոյ Կաթողիկոսութեան Բերիոյ Հայոց Թեմի Առաջնորդ Գերշ. Տ. Շահան Արք. Սարգիսեան մասնակցեցաւ Գերմանիոյ Եպիսկոպոսաց Ժողովին կազմակերպած համագումարին, որ տեղի ունեցաւ 24-26 Փետրուար 2016-ին Հռոմի մէջ:

 

            Արդարեւ, Միջին Արեւելքի տագնապալի իրավիճակէն մեկնելով Գերմանիոյ Եպիսկոպոսաց Ժողովը համագումարի հրաւիրած Էր Միջին Արեւելքի եկեղեցական պատասխանատուներ եւ ակադեմական մասնագԷտներ, քննարկելու համար ներկայ իրավիճակը, ճանչնալու իրականութիւնները եւ խորհրդակցելու քրիստոնեաներու ներկայութեան խնդրին առնչութեամբ: Շահան Սրբազան իր մասնակցութիւնը բերաւ ընդհանուր քննարկումներուն, յատկապէս զեկուցական ելոյթ ունեցաւ քրիստոնեաներու դերակատարութեան մասին Միջին Արեւելեան ընկերութեան մէջ: Սրբազան Հայրը Վեհափառ Հայրապետին ողջոյնները փոխանցեց կազմակերպողներուն եւ եկեղեցական պատասխանատուներուն, ինչպէս նաեւ ընդգծեց մեր ժողովուրդին կապուածութիւնը Միջին Արեւելքին եւ անոր ընկերութեան: Ան յատուկ կերպով անդրադարձաւ քրիստոնեայ-իսլամ երկխoսութեան կարեւորութեան եւ դիմագրաւող դժուարութիւններուն: Այս ծիրէն ներս, Սրբազանը խoսեցաւ Հայոց Ցեղասպանութեան եւ անոր հետեւանքներուն մասին, մասնաւորելով ներկայ պատերազմական իրավիճակին մէջ գործադրուած վայրագութեանց նոյն ոճը եւ նոյն հեղինակներուն առկայութիւնը:

 

            Սրբազան Հայրը Անթիլիաս վերադարձաւ Կիրակի 28 Փետրուարին եւ  Վեհափառ Հայրապետին զեկուցեց համագումարի մասին:

 

More News