Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ ԱՅՑԵԼՈՒՆԵՐԸ

Հինգշաբթի 30 Յունուար 2014-ին Վեհափառ Հայրապետը իր գրասենեակին մէջ յաջորդաբար ընդունեց այցելութիւնը՝ — Լիբանանի կենսոլորտի նախարարութեան Ընդհանուր տնօրէն Դոկտ. Պերճ Հաճեանի։ Ան զեկոյց մը տուաւ Վեհափառ Հայրապետին նախարարութեան կատարած աշխատանքներուն մասին եւ իր պատրաստակամութիւնը յայտնեց անհրաժեշտ ծառատնկումը կատարելու ազգային հաստատութիւններու շուրջ։ — Մարոնիթ Միջազգային Հիմնարկի Ընդհանուր քարտուղարուհի Տիկին Հիամ Պուսթանիի եւ նոյն հիմնարկի Կեդրոնական վարչութեան…

ՍՐԲԱԴԱՍՄԱՆ ՅԱՆՁՆԱԽՈՒՄԲԻ ՀԱՆԴԻՊՈՒՄ ԱՆԹԻԼԻԱՍԻ ՄԷՋ

Օրհնութեամբը Ն.Ս.Օ.Տ.Տ. Գարեգին Բ. Ամենայն Հայոց  Կաթողիկոսի եւ  Ն.Ս.Օ.Տ.Տ. Արամ Ա. Կաթողիկոսի Մեծի Տանն Կիլիկիոյ, Յունուար 27–29 Անթիլիասի Մայրավանքին մէջ տեղի ունեցաւ Հայաստանեայց Առաքելական Եկեղեցւոյ Սրբադասման Յանձնախումբի հանդիպումը: Ժողովի նախօրեակին յանձնախումբի անդամները հանդիպում ունեցան Արամ Ա. Վեհափառ Հայրապետին հետ, ստանալու անոր հայրական օրհնութիւնը եւ գնահատանքը՝ յանձնախումբին կատարած աշխատանքներուն համար:  Ժողովը սկսաւ Տէրունական աղօթքով եւ հոգւոց…

ԾԻՍԱԿԱՆ ՅԱՆՁՆԱԽՈՒՄԲԻ ՀԱՆԴԻՊՈՒՄ ԱՆԹԻԼԻԱՍԻ ՄԷՋ

Յունուար 29–30 Անթիլիասի Մայրավանքին մէջ,  օրհնութեամբը Ն.Ս.Օ.Տ.Տ. Գարեգին Բ. Ամենայն Հայոց  Կաթողիկոսի եւ  Ն.Ս.Օ.Տ.Տ. Արամ Ա. Կաթողիկոսի Մեծի Տանն Կիլիկիոյ, տեղի ունեցաւ Հայաստանեայց Առաքելական Եկեղեցւոյ Ծիսական Յանձնախումբի հանդիպումը, որուն կը մասնակցէին Կոմիտաս Արք. Oհանեան (համա–ատենապետ), Արշակ Եպս. Խաչատրեան (համա–ատենապետ), Վարուժան Արք. Հերեկելեան, Սեպուհ Արք. Սարգիսեան, Գեղամ Արք. Խաչերեան, Միքայէլ Եպս. Աջապահեան, Վահան Եպս. Յովհաննէսեան եւ…

ՎԻՏԷՕ — ԼՈՒՐԵՐ ԿԱԹՈՂԻԿՈՍԱՐԱՆԷՆ 27-01-2014

23-24 Յունուար 2014-ին Մեծի Տանն Կիլիկիոյ Կաթողիկոսութեան Անթիլիասի Մայրավանքին մէջ յաջորդաբար տեղի ունեցան ազգային կեդրոնական վարչութեան կրօնական ու քաղաքական լիակատար նիստերը: Ն.Ս.Օ.Տ.Տ. Արամ Ա. Կաթողիկոսի նախագահութեամբ յիշեալ նիստերու ընթացքին քննարկուեցան մեր Սուրբ Աթոռի առաքելութեան առընչուած կարեւոր հարցեր, ծրագիրներ ու աշխատանքներ: Այս առիթով Կաթողիկոսարանի Տեղեկատուական Գրասենեակը հետեւեալ հարցումները ուղղեց կարգ մը ժողովականներուն:

ՍՐԲԱԴԱՍՄԱՆ ՈՒ ԾԻՍԱԿԱՆ ՅԱՆՁՆԱԽՈՒՄԲԵՐՈՒ ՀԱՆԴԻՊՈՒՄ ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

  Յառաջիկայ օրերու ընթացքին Անթիլիասի Մայրավանքին մէջ տեղի պիտի ունենան Սրբադասման ու Ծիսական յանձնախումբերու հանդիպումները։ Սոյն յանձնախումբերուն մաս կը կազմեն Ամենայն Հայոց Կաթողիկոսութեան եւ Մեծի Տանն Կիլիկիոյ Կաթողիկոսութեան միաբան հայրերը։ Շուրջ երկու տարիներէ ի վեր կը գործեն յիշեալ յանձնախումբերը եւ իրենց աշխատանքները պիտի աւարտեն մօտ ապագային, որպէսզի ներկայացուին յառաջիկայ Նոյեմբերին տեղի ունենալիք Եպիսկոպոսաց Ժողովի երկրորդ…

ՀԱՅԱՍՏԱՆԻ ԴԵՍՊԱՆԸ ԱՅՑԵԼԵՑ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ

  Կիրակի 26 Յունուար 2014-ի առաւօտուն, Ն.Ս.Օ.Տ.Տ. Արամ Ա. Կաթողիկոս ընդունեց այցելութիւնը Լիբանանի մօտ Հայաստանի Հանրապետութեան Դեսպան Աշոտ Քոչարեանին։ Վեհափառ Հայրապետին եւ դեսպանին հանդիպման առանցքը դարձաւ Հայոց Ցեղասպանութեան 100-րդ տարելիցին առնչուած ծրագիրներ եւ Հայաստան—Սփիւռք գործակցութիւնը աւելի ամրապնդելու կարելիութիւնները։ Այս առիթով Վեհափառ Հայրապետը նաեւ տեղեակ պահեց Պրն. դեսպանը Ժընեւ 2-ի նախօրեակին Ժընեւի մէջ տեղի ունեցած քրիստոնէական…

ՎԻՏԷՕ — ԼՈՒՐԵՐ ԿԱԹՈՂԻԿՈՍԱՐԱՆԷՆ 21-01-2014

Յունուար 15-17, Ժընեւի Եկեղեցիներու Համաշխարհային Խորհուրդի կեդրոնին մէջ տեղի ունեցաւ կարեւոր ժողով մը, Սուրիոյ տագնապին առընչուած:  Ն.Ս.Օ.Տ.Տ. Արամ Ա. Կաթողիկոս ընկերակցութեամբ Թեհրանի Թեմի Առաջնորդ Գերշ. Տ. Սեպուհ Արք. Սարգիսեանի, իր մասնակցութիւնը բերաւ յիշեալ  կարեւոր ժողովին: Այս առիթով Կաթողիկոսարանի տեղեկատուական բաժանմունքը կարճ հարցազրոյց ունեցաւ Սեպուհ Սրբազանին հետ:

“ՄԻՋԻՆ ԱՐԵՒԵԼՔԷՆ ՆԵՐՍ ՔՐԻՍՏՈՆԷՈՒԹԻՒՆԸ ՊԷՏՔ Է ՀԱՒԱՏԱՐԻՄ ՄՆԱՅ ԻՐ ԱՆՑԵԱԼԻՆ, ՆԵՐԿԱՅԻՆ ՈՒ ԱՊԱԳԱՅԻՆ ՆԿԱՏՄԱՄԲ” Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

  Ժընեւի Եկեղեցիներու Համաշխարհային Խորհուրդի Կեդրոնատեղիին մէջ մի քանի օրեր առաջ գումարուած համագումարին, որ յատկացուած էր ՛՛Ժընեւ 2՝՝-ի Եկեղեցիներու Համաշխարհային Խորհուրդի բերելիք նպաստին, Միջին Արեւելքէն Քրիստոնէութեան արտագաղթի հարցը լայնօրէն քննարկուեցաւ: Այս հարցին անդրադառնալով Ն.Ս.Օ.Տ.Տ. Արամ Ա. Կաթողիկոս իր լուրջ մտահոգութիւնը յայտնեց Միջին Արեւելքէն ներս Քրիստոնէական ներկայութեան հետզհետէ նուազումին նկատմամբ. ՛՛Հսկայ Քրիստոնէական գաղութները Միջին Արեւելքէն ներս…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՄԵԿՆԵՑԱՒ ԺԸՆԵՒ

Այսօր Երկուշաբթի 13 Յունուար 2014-ին Վեհափառ Հայրապետը մեկնեցաւ Ժընեւ ընկերակցութեամբ՝ Թեհրանի հայոց Առաջնորդ Գերշ. Տ. Սեպուհ Արք. Սարգիսեանի: Վեհափառ Հայրապետը հանդիպումներ ու խորհրդակցութիւններ պիտի ունենայ Սուրիոյ Քրիստոնեայ համայնքներուն առնչուած մտահոգութիւններուն շուրջ՝ Ժընեւ 2 համագումարի լոյսին տակ: Այս գծով, վերջին օրերուն Վեհափառը խորհրդակցած էր Ռայի Պատրիարքին (Մարոնիթ), Եազիճի Պատրիարքին (Յոյն Ուղղափառ) եւ Զաքքա Պատրիարքին (Ասորի Ուղղափառ)…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԽՈՐՀՐԴԱԿՑՈՒԹԻՒՆՆԵՐ Կ՛ՈՒՆԵՆԱՅ ՀՈԳԵՒՈՐ ՊԵՏԵՐՈՒ ՀԵՏ, ԺԸՆԵՒ 2 ԺՈՂՈՎԻ ՆԱԽՕՐԵԱԿԻՆ

Անցնող մի քանի օրերու ընթացքին Վեհափառ Հայրապետը յաջորդաբար հանդիպումներ ու հեռաձայնային խօսակցութիւններ ունեցաւ Լիբանանի ու Սուրիոյ կացութեան հետ աղերս ունեցող հարցերու ու քրիստոնեայ համայնքներուն դիմագրաւած մտահոգութիւններուն շուրջ, Ժընեւ 2 համագումարի լոյսին տակ:   ՀԱՆԴԻՊՈՒՄ ԶԱՔՔԱ ՊԱՏՐԻԱՐՔԻՆ ՀԵՏ Հինգշաբթի գիշեր Վեհափառ Հայրապետը այցելեց Ասորի եկեղեցւոյ հոգեւոր պետ Զաքքա Պատրիարքին, Դրան Եպսիկոսոպոս Նարեկ Արքեպիսկոպոսի ընկերակցութեամբ: Պատրիարքին հետ…

Ն.Ս.Օ.Տ.Տ. Արամ Ա. Կաթողիկոս Ընդունեց Երեսփոխան Մուխայպարը և Հապիպ Աֆրամը

Ուրբաթ 10 Յունուար 2014-ի առաւօտուն Վեհափառ Հայրապետը ընդունեց Լիբանանի խորհրդարանի անդամ Ղասան Մուխայպարը: Հանդիպման ընթացքին արծարծուեցան նոր կառավարութեան կազմութեան, լիբանանի յառաջիկայ նախագահական ընտրութեան և ընդհանուր կացութեան առընչուած հարցեր։ Խօսակցութեան նաեւ նիւթ դարձաւ յառաջիկայ շաբաթներուն տեղի ունենալիք Ժընեւ 2 համագումարը և այդ գծով Քրիստոնեայ համայնքներուն տեսակէտը: Վեհափառ Հայրապետը ապա ընդունեց այցելութիւնը Ասորի ուղղափառ լիկայի նախագահ Հապիպ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ 2014-ը ԿԸ ՀՌՉԱԿԷ «ՏԱՐԵՑՆԵՐՈՒ ՏԱՐԻ»

Վեհափառ Հայրապետը 2014 տարին հռչակած է «Տարեցներու Տարի»: Այս առիթով Վեհափառ Հայրապետին պատգամը պիտի կարդացուի յառաջիկայ Կիրակի 12 Յունուարին, Անթիլիասի Ս. Գրիգոր Լուսաւորիչ Մայր Տաճարին մէջ: Վեհափառ Հայրապետին պատգամը պիտի կարդացուի նաեւ Մեծի Տանն Կիլիկիոյ Կաթողիկոսութեան բոլոր թեմերէն ներս: Վեհափառ Հայրապետը իր պատգամի վերջաւորութեան հետեւեալ թելադրութիւնը կը կատարէ.– ա)  Իւրաքանչիւր ընտանիքի առաջնահերթ ու նուիրական պարտականութիւնը…

ՎԻՏԷՕ — ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ ՔՐԻՍՏՈՆԵԱՅ–ԻՍԼԱՄ ԽՈՐՀՐԴԱԿՑՈՒԹԻՒՆՆԵՐ

ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ ՔՐԻՍՏՈՆԵԱՅ–ԻՍԼԱՄ ԽՈՐՀՐԴԱԿՑՈՒԹԻՒՆՆԵՐ

Հինգշաբթի  9 Յունուար 2014-ին, Անթիլիասի Մայրավանքին մէջ Ն.Ս.Օ.Տ.Տ. Արամ Ա. Կաթողիկոս յաջորդաբար հանդիպումներ ունեցաւ ընդհանրապէս քրիստոնեայ–իսլամ երկխօսութեան ու յատկապէս Լիբանանի այժմու կացութեան առնչուած հարցերու գծով.–   ՔՐԻՍՏՈՆԵԱՅ–ԻՍԼԱՄ ԵՐԿԽՕՍՈՒԹԵԱՆ ՅԱՆՁՆԱԽՈՒՄԲԻ ՆԱԽԱԳԱՀԻՆ ԱՅՑԵԼՈՒԹԻՒՆԸ Առաջին հերթին Վեհափառ Հայրապետը ընդունեց Լիբանանի քրիստոնեայ–իսլամ երկխօսութեան յանձնախումբի նախագահ Էմիր Հարէս Շէհապը: Հանդիպումին ներկայ էր նաեւ նոյն յանձնախումբին մէջ հայ համայնքի ներկայացուցիչ Դոկտ.…

Ս. Ծննդեան Հայրապետական Պատարագի արբանեակային ուղղակի հեռասփռում Անթիլիասի Մայր Տաճարէն

LIVE TELEVISION BROADCAST OF CHRISTMAS MASS VIA SATELLITE FROM ANTELIAS — JANUARY 6TH, 2014 The Lebanese Broadcasting Corporation International (LBCI) will broadcast LIVE via satellite the Christmas Mass presided over by His Holiness Aram I, from St. Gregory the Illuminator Cathedral in Antelias, on Monday 6 January 2014, beginning from 8:00 am UTC (GMT). For…

ՏԷՐ ԵՒ ՏԻԿԻՆ ՅԱԿՈԲ ՉԻԼԻՆԿԻՐԵԱՆ 200.000 ՏՈԼԱՐ ԿԸ ՆՈՒԻՐԵՆ ԿԱԹՈՂԻԿՈՍԱՐԱՆԻ ԾՐԱԳԻՐՆԵՐՈՒՆ

Նոր Տարուան եւ Ս. Ծննդեան առիթով, գնահատելով Մեծի Տանն Կիլիկիոյ Կաթողիկոսութեան առաքելութիւնը մեր ժողովուրդի կեանքէն ներս, եւ ընդառաջելով Ն.Ս.Օ.Տ.Տ. Արամ Ա. Վեհափառ Հայրապետի փափաքին, լիբանանահայ ազգայիններէն Տէր եւ Տիկին Յակոբ Չիլինկիրեան երկու հարիւր հազար տոլար նուիրեցին Մեծի Տանն Կիլիկիոյ Կաթողիկոսութեան: Սոյն գումարի 100.000 տոլարը պիտի յատկացուի որպէս հիմնադրամ Կաթողիկոսարանի Շնորհալի երգչախումբին առնչուած ծրագիրներուն՝ իր հիմնադրութեան…