Հինգշաբթի, 19 Յունիս 2014-ին, Վեհափառ Հայրապետին այցելեց Լիբանանի մօտ Պապական նուիրակ Կապրիէլ Գաչեայ: Պապական նուիրակը եկած էր բարի գալուստ մաղթելու Վեհափառ Հայրապետին Վատիկանէն վերադարձին առիթով: Հանդիպումը առիթ մը եղաւ ընդհանուր արժեւորումը կատարելու Վատիկանի մէջ Վեհափառ Հայրապետին ունեցած հանդիպումներուն Սրբազան Քահանայապետին և պատասխանատու Կարտինալներուն հետ:
Խորհրդակցութեան նիւթ դարձաւ նաեւ շրջանէն ներս ստեղծուած կացութիւնը ու անոր հետեւանքները քրիստոնեայ համայնքներուն: Հանդիպման ընթացքին ուշադրութեան յատուկ նիւթ դարձաւ Լիբանանի նախագահական ընտրութիւնը:
