News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՑԱՒԱԿՑՈՒԹԻՒՆԸ ԿԸ ՅԱՅՏՆԷ ԶԱԳԳԱ ՊԱՏՐԻԱՐՔԻՆ ՎԱԽՃԱՆՄԱՆ ԱՌԻԹՈՎ

21 March 2014

Ուրբաթ 21 Մարտ 2014-ի առաւօտուն Գերմանիոյ մէջ վախճանեցաւ Ասորի Ուղղափառ Եկեղեցւոյ Պատրիարք Նորին Սրբութիւն Զագգա Գ.: Ն.Ս.Օ.Տ.Տ. Արամ Ա. Կաթողիկոս անմիջապէս կապի մէջ մտաւ նոյն եկեղեցւոյ Սինոտի ընդհանուր քարտուղար Արքեպիսկոպոս Ժորժ Սալիպայի հետ և իր ցաւակցութիւնը յայտնեց անոր և Ասորի Ուղղափառ Եկեղեցւոյ:

Պատրիարքին թաղումը տեղի պիտի ունենայ յառաջիկայ օրերուն Դամասկոսի մէջ: Հին դարերէն սկսեալ սերտ յարաբերութիւն միշտ եղած է հայ և Ասորի Եկեղեցիներուն միջեւ: Վեհափառ Հայրապետը մօտէն ծանօթ եղած է Զագգա Պատրիարքին և սերտ գործակցութիւնը միշտ գոյութիւն ունեցած է Ասորի Եկեղեցւոյ և Մեծի Տանն Կիլիկիոյ Կաթողիկոսութեան միջեւ