Հինգշաբթի 28 Նոյեմբեր 2013-ի առաւօտուն, Անթիլիասի Մայրավանքի իր գրասենեակին մէջ, Ն.Ս.Օ.Տ.Տ. Արամ Ա. Վեհափառ Հայրապետը, ընդունեց այցելութիւնը Հայաստանի Դեսպան՝ Աշոտ Քոչարեանի։

Հանդիպումի ընթացքին Նորին Սրբութիւնն ու Պրն. Դեսպանը խօսեցան Հայաստան-Սփիւռք գործակցութեան առնչուող հարցերու, ինչպէս նաեւ «Հայաստան Հայկական Հիմնադրամի» մասին, որ այս օրերուն դրամահաւաք կը կատարէ, նշանաբան ունենալով՝ «Դէպի Արցախ, Ազգովին կառուցենք Վարդենիս-Մարտակերտ մայրուղին»։

Յայտնենք, որ Վեհափառ Հայրապետը կոչ ուղղած էր Հայ ժողովուրդի զաւակներուն, որպէսզի մասնակցին սոյն դրամահաւաքին։