News

ԵՐԿՈՒ ԵՐԻՏԱՍԱՐԴ ՄԻԱԲԱՆՆԵՐ ԻՐԵՆՑ ԾԱՌԱՅՈՒԹԵԱՆ ԱՒԱՐՏԻՆ ԿԸ ՎԵՐԱԴԱՌՆԱՆ ՄԱՅՐԱՎԱՆՔ

02 November 2019

Օրհնութեամբ Ս. Աթոռոյս Գահակալ Ն.Ս.Օ.Տ.Տ. Արամ Ա. Կաթողիկոսի, Մեծի Տանն Կիլիկիոյ Կաթողիկոսութեան երիտասարդ միաբաններէն Հոգշ. Տ. Տաճատ Վրդ. Աշըգեան եւ Հոգշ. Տ. Պարոյր Վրդ. Շէրնէզեան իրենց ուսման եւ ծառայական առաքելութեան աւարտին վերադարձան Անթիլիասի Մայրավանք։ Վեհափառ Հայրապետին տնօրինումով Տաճատ Վրդ.ը նշանակուեցաւ Դպրեվանքի հսկիչ, իսկ Պարոյր Վրդ.ը՝ «Կիլիկիա» թանգարանի տեսուչ եւ Հայ Եկեղեցւոյ Համալսարանական Ուսանողներուն Միութեան (Հ.Ե.Հ.Ո.Մ.) հոգեւոր խորհրդատու։

 

Յիշենք, որ վերոյիշեալ հայր սուրբերը Սան Ֆրանսիսքոյի եւ Ֆրեզնոյի (Ամերիկայի Միացեալ Նահանգներ) մէջ փոխարինեցին Հոգշ. Տ. Սմբատ Վրդ. Սապունճեանն ու Հոգշ. Տ. Աշոտ Աբղ. Խաչատուրեանը։