19 Հուլիսի, 2019

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹԵԱՆ ԿԵԴՐՈՆԱԿԱՆ ՎԱՐՉՈՒԹԵԱՆ ՆԵՐԿԱՅԱՑՈՒՑԻՉԸ

Ուրբաթ, 19 Յուլիս 2019-ին, Պիքֆայայի Սուրբ Աստուածածին Վանքին մէջ Վեհափառ Հայրապետը ընդունեց այցելութիւնը Ռամկավար Ազատական Կուսակցութեան Կեդրոնական Վարչութեան ներկայացուցիչ Տոքթ. Աւետիս Տաքէսեանին:

 

Հանդիպումը առիթ մը հանդիսացաւ խորհրդակցելու ընդհանրապէս Հայաստան-Սփիւռք յարաբերութեան ու յատկապէս կուսակցութեան առնչուած հարցերուն մասին: Տոքթ. Տաքէսեան, յանուն կեդրոնական վարչութեան, Նորին Սրբութեան պարզեց կուսակցութեան վերջին ընդհանուր ժողովին առած որոշումները, ինչպէս նաեւ կուսակցութեան յառաջիկայ աշխատանքներուն առաջնահերթութիւնները: Նորին Սրբութիւնը կարեւորութեամբ ընդգծեց կուսակցութեան ներքին միասնականութեան ամրապնդումը ու անոր պատմական դերակատարութեան շարունակութիւնը, միաժամանակ ան հրամայական նկատեց միջ-կուսակցական գործակցութեան նոր ծաւալ տալու, Սփիւռքի առաւել հզօրացման աշխատանքներուն նոր մղում տալով եւ Հայաստան-Սփիւռք յարաբերութիւնները աւելի զարգացնելու անհրաժեշտութիւնը:

More News