News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱՅՑԵԼԵՑ ՔՈՒԷՅԹԻ ՆՈՐԱԿԱՌՈՅՑ ՍՐԲՈՑ ՎԱՐԴԱՆԱՆՑ ԵԿԵՂԵՑԻ ՈՒ ԱԶԳԱՅԻՆ ԱՌԱՋՆՈՐԴԱՐԱՆ

16 May 2017

Ն.Ս.Օ.Տ.Տ. Արամ Ա. Վեհափառ Հայրապետը Քուէյթ ժամանման յաջորդ օրը՝ 16 Մայիս 2017-ի առաւօտուն, այցելեց նորակառոյց Սրբոց Վարդանանց եկեղեցի եւ Ազգային Առաջնորդարան, ուր շինութիւններն ու նախապատրաստական աշխատանքները արդէն իսկ հասած էին իրենց վերջին հանգրուանին։ Նորին Սրբութիւնը իր գնահատանքը յայտնեց Առաջնորդ Հայր Սուրբին, Ազգային Իշխանութեան անդամներուն եւ բարերարներուն, իրենց ղեկավարութեամբ կատարուած այս մեծ իրագործումին համար։

Յայտնենք, թէ Վեհափառ Հայրապետը 19 Մայիս 2017-ի առաւօտեան ժամը 10։30-ին բացումը պիտի կատարէ Ազգային Առաջնորդարանին, իսկ երեկոյեան ժամը 06։00-ին Նորին Սրբութեան ձեռամբ օծումը պիտի կատարուի նորակառոյց Սրբոց Վարդանանց եկեղեցւոյ։