News

ԱՍՈՐԻ ԵԿԵՂԵՑՒՈՅ ԵՐԻՏԱՍԱՐԴԱԿԱՆ ԲԱԺԱՆՄՈՒՆՔԻ ՆԵՐԿԱՅԱՑՈՒՑԻՉՆԵՐԸ ԱՆԹԻԼԻԱՍԻ ՄԱՅՐԱՎԱՆՔԷՆ ՆԵՐՍ

04 May 2017

Հինգշաբթի՝ 4 Մայիս 2017-ի առաւօտուն, Անթիլիասի Մայրավանք այցելեցին Ասորի Ուղղափառ Եկեղեցւոյ Երիտասարդական Բաժանմունքի ներկայացուցիչները։ Անոնք հանդիպում ունեցան Կաթողիկոսարանիս Երիտասարդական Բաժանմունքի վարիչ՝ Հոգշ. Տ. Նշան Վրդ. Լախոյեանին հետ։ Հանդիպումը առիթ եղաւ, որ երկու քոյր եկեղեցիներու երիտասարդական բաժանմունքի վարիչ հայր սուրբերը ծանօթանան երիտասարդութեան գծով իւրաքանչիւր եկեղեցւոյ տարած աշխատանքներուն մասին։

Շուրջ ժամ մը տեւած այս հանդիպման աւարտին, այցելուները ծանօթացան Մայրավանքիս ներքին կառոյցներուն եւ այցելեցին "Կիլիկիա" թանգարան։