News

Անթիլիասի Մայրավանքին մէջ Արմենօֆասի հանդիպումը

20 April 2013

Ուրբաթ եւ Շաբաթ, 19–20 Ապրիլին, Անթիլիասի Մայրավանքին մէջ հրաւէրով Ն.Ս.Օ.Տ.Տ. Արամ Ա. Կաթողիկոսին տեղի պիտի ունենայ Արմենօֆասի հանդիպումները:

 

Արմենօֆասը Հիմնադրամ մըն է, որ հայոց ցեղասպանութենէն յետոյ Զուիցերիոյ Բողոքական եկեղեցիներուն կողմէ հաստատուած է, օժանդակելու համար ցեղասպանութենէն վերապրող հայերու ընկերային ծառայութեան առնչուած զանազան ծրագիրներու ճամբով: Անցնող տասնամեակներու ընթացքին, հիմնադրամը փոփոխութեան ենթարկուած է, ստեղծուած նոր պայմաններու լոյսին տակ: Ներկայիս ան ունի գործունէութեան յստակ ուղեգիծ: Արմենօֆասը հովանաւորող մարմիններն են Մեծի Տանն Կիլիկիոյ Կաթողիկոսութիւնը եւ Զուիցերիոյ Բողոքական Եկեղեցիներու Միութիւնը: Արմենօֆասի յանձնախումբին մաս կը կազմեն երկու կողմերը ներկայացնող անձեր: Ներկայ յանձնախումբի անդամներն են Տիկին Թենի Սիմոնեան–Փիրի, ատենապետուհի, (Զուիցերիա), Գերշ. Տ. Խորէն Եպս. Տողրամաճեան (Յունաստան), Տիար Տիգրան Ճինպաշեան (Լիբանան), Տիար Ալեքքօ Քէօշէյեան (Զուիրցերիա), Տիկին Հայկուհի Եաղճեան (Յունաստան), Վեր. Ռուտոլֆ Ռանֆեր (Զուիցերիա) եւ Մեթր Ֆրանսուա Փայօ (Զուիցերիա):