News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՊԱՊԱԿԱՆ ՆՈՒԻՐԱԿԸ

13 January 2017
 
 

Ուրբաթ, 13 Յունուար 2017-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը ընդունեց Լիբանանի մօտ Պապական Նուիրակ Կապրիէլ Գաչեայ Եպիսկոպոսը: Պապական Նուիրակը եկած էր Ն.Ս. Ֆրանսիս Պապին անունով Վեհափառ Հայրապետին Նոր Տարին եւ Ս. Ծնունդը շնորհաւորելու եւ յանձնելու Պապին շնորհաւորագիրը։

Հանդիպումը առիթ մը եղաւ անդրադառնալու յատկապէս Սուրիոյ ու Լիբանանի ներկայ կացութեան առնչուած շարք մը հարցերուն՝ վերջին շրջանին տեղի ունեցած նոր զարգացումներուն լոյսին տակ։ Նորին Սրբութիւնը կարեւորութեամբ շեշտեց Վատիկանի դերը Սուրիոյ քրիստոնեայ համայնքներուն զօրակցութեան շրջագծէն ներս։