News

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ԿՐՕՆԱԿԱՆ ՊԱՏՈՒԻՐԱԿՈՒԹԻՒՆ ՄԸ ՊԵԼՃԻՔԱՅԷՆ

10 July 2015

Մի քանի օրեր առաջ Ն.Ս.Օ.Տ.Տ. Արամ Ա. Կաթողիկոսը իր գրասենեակին մէջ ընդունեց այցելութիւնը Պելճիքայի զանազան համայնքները ներկայացնող պատուիրակութիւն մը, գլխաւորութեամբ Շարլ Քլեման Պոնիֆաս եպիսկոպոսին։ Պատուիրակութեան գլխաւոր նպատակն էր մօտէն ծանօթանալ Լիբանանի քրիստոնեայ համայնքներուն։

Վեհափառ Հայրապետը լայն տեղեկութիւններ տուաւ ընդհանրապէս հայ եկեղեցւոյ կեանքին ու առաքելութեան և յատկապէս Հայոց Ցեղասպանութեան 100-ամեակին մասին։ Պոնիֆաս եպիսկոպոսը մօտէն ծանօթ ըլլալով Հայոց Ցեղասպանութեան, Նորին Սրբութեան փոխանցեց այս մասին իր գրած յօդուածները եւ տուած դասախօսութիւնները։ Պատուիրակութիւնը իր զօրակցութիւնը յայտնեց Միջին Արեւելքէն ներս քրիստոնէական ներկայութեան։ Վեհափառ Հայրապետ կարեւորութեամբ շեշտեց Եւրոպայի ու Միջին Արեւելքի քրիստոնեայ եկեղեցիներուն միջեւ գործակցութիւնը աւելի ծաւալելու հրամայականը։