News

ԼԻԲԱՆԱՆԻ ՎԱՐՉԱՊԵՏ ԹԱՄԱՄ ՍԱԼԱՄ ԱՅՑԵԼԵՑ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ

17 January 2015

Շաբաթ, 17 Յունուար 2015-ի երեկոյեան, Լիբանանի Վարչապետ Թամամ Սալամ այցելութիւն մը տուաւ Ն.Ս.Օ.Տ.Տ. Արամ Ա. Կաթողիկոսին։ Վարչապետին ու Վեհափառ Հայրապետին միջեւ տեղի ունեցած մտերմիկ հանդիպումը տեւեց աւելի քան ժամ մը, որուն ընթացքին քննարկուեցան ընդհանրապէս շրջանի ու յատկապէս Լիբանանի այժմու կացութեան, կառավարութեան աշխատանքներուն և Լիբանանի նախագահական ընտրութիւններուն հետ աղերս ունեցող հարցեր։