News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՐԱՅԻ ՊԱՏՐԻԱՐՔԻՆ ՆԵՐԿԱՅԱՑՈՒՑԻՉՆԵՐԸ

09 January 2015

Այս առաւօտ, Ն.Ս.Օ.Տ.Տ. Արամ Ա. Կաթողիկոսը իր գրասենեակին մէջ ընդունեց այցելութիւնը Մարոնիթ Եկեղեցւոյ հոգեւոր պետ Րայի Պատրիարքին փոխանորդները՝ Փօլ Սայեահ և Մազլում Արքեպիսկոպոսները։

 

Ներկայացուցիչները Վեհափառ Հայրապետին փոխանցեցին Լիբանանի և ընդհանրապէս շրջանին կապուած Պատրիարքին կարգ մը մտահոգութիւններն ու առաջադրանքները։ Հանդիպումը նաեւ առիթ մը եղաւ ընդհանուր քննարկումի ենթարկելու Լիբանանի ներկայ կացութիւնը և մասնաւորաբար նախագահական ընտրութիւնը։ Արքեպիսկոպոսները յայտնեցին, որ յառաջիկայ Փետրուարին, Վատիկանի մէջ հանդիպում մը տեղի պիտի ունենայ կապուած Միջին Արեւելքի քրիստոնէութեան և այդ ուղղութեամբ ուզեցին ունենալ Նորին Սրբութեան տեսակէտները։