Կաթողիկոսարանիս մատենադարանը հիմնուած է Բաբգէն Ա. Աթոռակից Կաթողիկոսին կողմէ, 1932 թուականին: 1915 թուականին, Սիսէն տարագրութեան եւ Կաթողիկոսարանի պարպումի ընթացքին, միաբաններ յաջողած են իրենց հետ բերել սահմանափակ թիւով ձեռագիր մատեաններ եւ հնատիպ գիրքեր: Բաբգէն աթոռակից Կաթողիկոսի կոչին  ընդառաջելով հայկական հրատակչատուներ, գրատուներ եւ անհատներ Մատենադարանը կը հարստացնեն նոր հրատարակութիւններով։ Ներկայիս Մատենադարանը կը հաշուէ աւելի քան ութսուն հազար, հայերէն թէ օտար լեզուներով տպուած հատորներ, բառարաններ, պարբերաթերթեր, համայնագիտարաններ և այլ հրատարակութիւններ։ Մատենադարանին մէջ յատուկ բաժին մը տրամադրուած է հնատիպ գիրքերու:maden

 

Մատենադարանի բոլոր գիրքերը ցանկագրուած են եւ դասաւորուած են համակարգչային դրութեամբ:

Մատենադարանը բաց է հանրութեան Երկուշաբթիէն Ուրբաթ օրերը, առաւօտեան ժամը 9:00-էն յետմիջօրէի ժամը 2:00, իսկ Շաբաթ օրերը՝ առաւօտեան ժամը 9:00-էն կէսօրուան ժամը 12:00: