Քրիստոնէական Դաստիարակաութեան Գրասենեակ               

10441240_10152605586138714_4077481595870065484_nՔրիստոնէական Դաստիարակութիւնը Հայ Եկեղեցւոյ առաքելութեան ամէնէն կարեւոր ճիւղերէն մէկն է։

Հայ Եկեղեցին եւ ի մասնաւորի Մեծի Տանն Կիլիկիոյ Կաթողիկոսութիւնը, միշտ նեցուկ կանգնած եւ յատուկ կարեւորութիւն տուած է Քրիստոնէական Դաստիարակութեան:               

Աստուածաշունչը, Քրիստոնէական Դաստիարակութեան Գրասենեակի դաստիարակչական գործին մէջ կեդրոնական տեղը կը գրաւէ: Աստուածաշունչի կողքին, Առաքելական Աւանդութիւնը, բարոյական արժէքները, մեր հայրերէն մեզի հասած հոգեւոր ժառանգութիւնները նաեւ դաստիարակչական ծրագիրին մաս կը կազմեն:               

10306742_10152605586348714_1264368143160725819_nՔրիստոնէական Դաստիարակութեան Գրասենեակը իր գործունէութեամբ, մեր ժողովուրդի զաւականերու բոլոր տարիքներուն ուղղութիւն կու տայ, աւելի մօտէն կը ծանօթացնէ մեր Եկեղեցւոյ պատմութեան, դաւանանքին, աւանդութիւններուն, սուրբերուն ու տօներուն՝ թէ՛ հայազգի եւ թէ ալ համաքրիստոնէական։ Տակաւին, սոյն գրասենեակը տարբեր տեսակի ծրագիրներ կը մշակէ Կիրակնօրեայ Վարժարաններու, տիկնանց եւ երիտասարդական համախմբումներու համար:               

Աստուածաշունչի սերտողութիւններուն, բանախօսութիւններուն, խտացուած դասախօսութիւններուն եւ հրատարակութիւններու կողքին, դիւրութիւնն ունի նաեւ համացանցային հաղորդակցութեան:               

Քրիստոնէական 3Դաստիարակութեան Գրասենեակի ներկայի տեսուչն է՝ Հոգշ. Տ. Ղեւոնդ Վրդ. Բէնթէզեան։ Օգնական Հոգշ. Տ. Վաչէ Աբղ. Պալըքճեան։

E-mail: christian-edu@ArmenianOrthodoxChurch.org